مصل الانفلونزا...هل مهم فعلا ولا لأ؟؟؟ مين اللى مفروض يلتزم به كل سنة ؟؟؟؟؟؟

تعالوا نتكلم النهاردة عن موضوع مهم جدا
مصل الانفلونزا بتاع كل سنة 🤕🤧🤧
هل مفيد ولا لأ؟
هل ينفع كل الناس تاخده ولا فى احتياطات؟؟

**مصل الانفلونزا وده بناخده في الفتره ما بين شهر سبتمبر وشهر نوفمبر

**مصل الانفلونزا امن في حالات الحمل والأطفال من عمر ٦ شهور

💥كيف يتم حقن التطعيم؟
يُعطى عن طريق الحقن العضلي في أعلى الذراع او تحت الجلد. في الأطفال الصغار أقل من عمر السنة يعطى في الفخذ.من الامام عضل

💥الجرعه.
_ من عمر ٦ شهور ل ٣ سنين بياخد نص الحقنه ويكررها بعد شهر لو اول مره ياخدها 
طب لو أخدها قبل كده ياخد نص الحقنه وميكررهاش 
_ من عمر ٣ سنين ل ٩ سنين بياخد حقنه كامله ويكررها بعد شهر لو اول مره ياخدها
طب لو أخدها قبل كده نفس الكلام فوق ياخد الحقنه كامله وميكررهاش
_ البالغين واللي فوق ال ٩ سنين بياخد الحقنه كامله ومبيكررهاش

ما موانع أخذ التطعيم؟
هناك بعض الأشخاص الذين لا يُعطى لهم التطعيم إلا بعد استشارة الطبيب، وهؤلاء هم:
من لديهم حساسية شديدة من البيض.
من لديهم حساسية شديدة ضد تطعيم الإنفلونزا في وقت سابق.
من ظهرت لديهم متلازمة غيلان باري (Guillain Barre Syndrome) في وقت سابق بعد أخذ التطعيم.
الأطفال الذين تقل أعمارهم عن 6 أشهر.
الأشخاص الذين لديهم ارتفاع شديد أو متوسط في درجة الحرارة (ولكن يمكنهم أخذ التطعيم بعد أن تستقر لديهم درجة الحرارة).

هل يحمي تطعيم الإنفلونزا الموسمية من الإصابة بإنفلونزا الطيور؟ 
- إنفلونزا الطيورH5N1(bird flu).
تسببها سلالة مختلفة عن السلالات التي تسبب الإنفلونزا الموسمية، وهي لا تنتقل بين البشر، إنما تنتقل عن طريق الاتصال المباشر بالدواجن( المصابة أو الميتة)، نسبة الوفيات بين المصابين مرتفعة تصل إلى 60%. تطعيم الإنفلونزا لا يشتمل على هذه السلالة ولا يحمي من الإصابة بها،

💥ملاحظات هامه
بلاااااش نفضي الهوا اللى جوا السرنجة هما قاصدين تكون موجودة لخلق مساحة لانتشار المصل

🖑 واحده بتقول بعد ما أخدت الحقنه حصلي احمرار مكان الحقنه هنرد ونقول ده الطبيعي وبتاخد من يوم ل يومين والاحمرار بيختفي وممكن نعمل مكان الحقنه كمادات نقلل بيها الالتهابات

🖑حد بيقول انا عندي برد ورشح وسخونيه ينفع اخد المصل هنقوله المصل مبيتعارضش مع نزلات البرد بس لو ف ارتفاع شديد ف حرارة الجسم وفوق ال ٣٩ درجة يفضّل ناخد المصل بعد ما نخف

🖑 المصل مفعوله بيبدأ امتي بيدأ مفعوله من ١٠ ل ١٤ يوم علي اما يكون ال antibodies اللي هتحمينا علي مدار سنه كامله اتكونت ف الجسم🤧

(الاسم التجاري للمصل السنة دى)
vaxigrip