التونة خطر ولا لأ....اقرا المقال دا هيفاجئك !!!!!!

كلنا طبعا قرينا البوست بتاع التونة و مخاطرها
نركز سوا مع بعض... عايزين نفهم بالعلم مش اي كلام بيتقال نصدقه و ننشره
اولا لازم ننشر كلامنا موثق بمواقع محترمة تأيد كلامنا مش كلام و خلاص
........
البوست دا منقول للأمانة انشره للأهمية القصوي
.........
البوست بقاله يومين بيلف الفيس بوك و الناس اترعبت و بتعمل شير و تحذر رغم عدم وجود أي مصدر للكلام المنشور
طيب تعالوا ناخد الكلام جزء جزء و نتأكد من صحته الأول و مع كل جزء هنحط مصادر للكلام عشان تتأكدوا من صحته

اول حاجة ان فوائد التونة هري و ان التونة المفيدة هي الغالية و الباقي مفيش منه فايدة
طيب فوائد التونة حاجتين , انها مصدر جيد للبروتين و انها مصدر لدهون الأوميجا 3 المفيدة للجسم
التونة بانواعها كلها المذكورة في البوست غنية بالبروتين ( البلو فين و الألباكور و السكيبجاك و اليلو فين) و مفيش فيهم نوع مفيهوش بروتين حيواني مفيد
التونة كلها برده فيها دهون الأوميجا 3 المفيدة بنسب متفاوتة و لو هنتكلم بالأرقام ال 85 جرام صافي من التونة فيه
البلو فين من 1000 ل 1500 مليجرام
الالباكور ( التونة البيضاء) من 500 ل 1000 مليجرام
السكيب جاك ( التونة الخفيفة) من 200 ل 500 مليجرام
و دي نسبة مش قليلة حتي في أرخص أنواع التونة اللي هي السكيب جاك
و المصادر اهي

ده مصدر البروتين
https://www.seafoodhealthfacts.org/…/descriptio…/canned-tuna

و ده مصدر الاوميجا 3
https://www.seafoodhealthfacts.org/…/omega-3-content-freque…

و دي قائمة بالأطعمة الغنية بالأوميجا3 من جمعية القلب الأسترالية هتلاقوا التونة المعلبة منورة فيها
https://www.heartfoundation.org.au/…/Programs/Sources_of_om…

و دي توصيات الاحتياج اليومي من الأوميجا 3 اللي بتقول ان من 250-500 ملجم يوميا كافيين للشخص البالغ العادي يعني التونة السكيب جاك ممكن تفيدك في كده
https://www.healthline.com/nutrition/how-much-omega-3…

يبقي التونة المعلبة الألباكور الغالية و الأرخص منها السكيب جاك فيهم بروتين و اوميجا 3 و مفيدين جدا عكس كلام الأخ صاحب البوست انها فاضية و غير مفيدة

تاني معلومة غلط ان اكتر سمكة فيها زئبق هي التونة الرخيصة السكيب جاك
اغلب السمك اللي في المحيطات فيه كمية من الزئبق و فيه توصيات بكمية السمك المسموحة من كل نوع
السكيب جاك مش اعلي سمكة فيها زئبق و لا أي حاجة بالعكس السمكة دي اصغر حجما و ده بيقلل نسبة تعرضها للزئبق عن السمك الأكبر و الأغلي
تونة blue fin اللي هي أغلى نوع والألباكور الغالية نوعًا وتاني أنضف حاجة بعدها وبتُستخدم في السوشي والحاجات دي .. دول فعليًا رغم غلائهم فيهم أعلى نسبة زئبق لأنهم يعتبرو في قمة السلسلة الغذائية للتونة وهما الأطول عمرًا ضمن فصائل التونة وبالتالي نسبة تراكم الزئبق فيهم أعلى بكتير من باقي الأنواع الأقل حجمًا والأرخص سعرًا اللي عادة بيتم صيدها وهي لسه صغيرة إلى حد ما.
بالتالي السعر مش مقياس على الجودة أو قلة التسمم بالزئبق بل العكس في الحالة دي .
دي مقالة من نيو يورك تايمز بتشرح الموضوع
https://www.nytimes.com/…/25/hea…/25iht-tuna.4.9503826.html…

و دي قائمة من هيئة الغذاء و الدواء الأمريكية FDA عن نسبة الزئبق في كل المأكولات البحرية و هتلاقوا السكيب جاك اقل من الألباكور في نسبة الزئبق
https://www.fda.gov/…/FoodborneIllness…/Metals/ucm115644.htm

و عشان نسهل الدنيا ده كارت توعية من جمعية اسمها مجلس الدفاع عن الموارد الطبيعية مقسمين فيه أنواع السمك و نسبة الزئبق و توصيات اكلها
https://www.nrdc.org/sites/default/files/walletcard.pdf

و التوصيات بتاعة هيئة الغذاء و الدواء الأمريكية بتقول ان لو وزنك 68 كج تقدر تاكل 3 مرات تونة سكيب جاك أسبوعيا ( علبة عادية ) او تاكل مرة واحدة الباكور اللي هي أغلي و اطعم
التوصيات دي لا تنطبق علي الحوامل او المرضعات
و ادي مقال من جريدة الواشنطن بوست بيشرح الموضوع

https://www.washingtonpost.com/…/chart-how-much-canned-tu…/…

يبقي النوع الأفضل من ناحية الزئبق هو السكيب جاك الأرخص و افضل حاجة تشتري التونة اللي محفوظة في ميه مش بس عشان سعراتها اقل كمان لان وجودها في ميه بيحفظ نسبة دهون الأوميجا 3
و دي مقالة من جامعة بيركلي الأمريكية تفهمك الموضوع ده
http://www.berkeleywellness.com/…/what-you-should-know-abou…

طيب خلصنا التونة ندخل في تايلاند اللي سمكها سئ
تايلاند مستحوذة علي 40% من سوق التونة في العالم من غير الاتحاد الأوروبي و عندها صناعة الأسماك قوية جدا و اكبر المستوردين منها هم الولايات المتحدة الأمريكية و اليابان و أستراليا و كندا و بريطانيا
http://www.seafish.org/…/p…/thailandethicsprofile_201509.pdf

طيب ليه الاتحاد الأوروبي مانع التونة التايلاندي؟
عشان جودتها و انها مسممة؟
لا
عشان ظروف العمال الأنسانية السيئة اللي شغالين في الصناعة دي و اعتراض الاتحاد الأوروبي عليها و بيبعت مراقبين يشوفوا الموضوع ده كل مده و ده مصدر الكلام بتاعي
https://asia.nikkei.com/…/EU-remains-unconvinced-by-Thai-se…
يعني لو عايز تقاطع التونة اللي جاية من تايلاند فقاطعها لأسباب أخلاقية مش للكلام المكتوب في البوست المذكور.

موضوع بقي جودة التونة المعلبة في مصر دي مقدرش أتكلم فيها لأن المفروض فيه جهات رقابية للجودة بس ارجع و أقول صاحب البوست مقدمش أي دليل او مصدر علي كلامه.

الخلاصة ان صاحب البوست كتب اللي هو عاوزه
و مكلفش نفسه يجيب مصدر واحد محترم لكلامه اللي زي ما حضرتك قريت فوق بالمصادر انه غلط في غلط
و للأسف الناس دخلت تكتب تم تم تم
و الناس شيرت البوست في كل مكان
و 9 الاف واحد عاملين لايك
و 8 الاف واحد عملوا تعليق بتم او بيدعوا علي التونة و اللي خلفوها
و 21 الف حد عمل شير للبوست

مفيش حد دول علي مصدر للكلام و لا حاول يتأكد
مفيش حد فكر ان الأخ ده ممكن يكون بيألف من دماغه أي كلام

مصادر كلامي موجودة في البوست و اتمني ان زي ما عملت شير لبوست محترمش عقلك و لا ثقافتك و مجبش مصدر محترم لكلامه
تعمل شير و تنشر البوست اللي حاول يوصلك المعلومة بمصدر علمي محترم موثوق فيه
شارك في البحث
Donna Noble
Mohamed boriek

القناة الرسمية على اليوتيوب
https://www.youtube.com/channel/UCBi3fpELuAdRrwV-FLIf17g
الجروب الرسمي للتسوق
https://www.facebook.com/groups/1986424604904778/
المدونة الطبية الرسمية
https://shetospharma.blogspot.com/