الحقيقة وراء حقن السيفترياكسون القاتلة!!!

الحقيقة ورا حقن سيفترياكسون المميتة المنتشرة حاليا!!
تعالوا نفهم ببساطة الموضوع ايه
مادة السيفترياكسون كمضاد حيوي ينتمي لمجموعة من المضادات الحيوية واسعة المجال اسمها الجيل الثالث من السيفالوسبورين و دول بالمناسبة يعتبروا قريبين جدا من مجموعة البنسيلين في الشكل و كثير من الخواص ( حاجة زي ولاد عم قرايب مثلا 😁)
طيب ايه المشكلة اللي حاصلة دلوقتي و ازاي نتعامل معاها؟؟؟
1-لازم نعرف ان نسبة بتوصل في بعض البلاد الي 10 % من اللي بيخدوا الحقنة بتحصلهم حساسية مفرطة بتؤدي الي الوفاة و دي نسبة خطيرة و كبيرة جدا حسب ما نشر في البحث
https://www.ncbi.nlm.nih.gov/pmc/articles/PMC4214968/
و للأسف اختبار الحساسية عن طريق الجلد ممكن يتأخر يتأخر في وضوح نتيجته عن 10 دقايق او ممكن يظهر سلبي و المريض تظهر الحساسية عنده بعد كدة
2-الموضوع ظهر جدا و انتشر الفترة الاخيرة ليه؟؟
ممكن اكتر من سبب بس اكترهم منطقية هو
1-زيادة استخدام النوع دا تحديدا عمال علي بطال حتي في الحالات البسيطة و حالات الاطفال حتي الرضع من عمر ايام بخلاف ما اوصت بيه منظمة الصحة العالمية 😢😢 بدون حتي عمل مزرعة لتحديد نوع المضاد الحيوي المناسب 😟😟
2-قد تكون شوائب معينة في المادة الفعالة او اضافات تصنيعية لها دور في الحساسية اذا اخذنا بسبب ان مصدر المواد الخام لمعظم شركات الادوية بيتشابه و بيكون من الصين او الهند
طب نتصرف ازاي؟؟
1-مش نستسهل اخد المضاد الحيوى خاصة الحقن بدون داعي و بدون وصفة طبية و بدون عمل مزرعة في معمل تحليل محترم
2حقن السيفترياكسون لا تؤخذ في الصيدلية بل تؤخذ في المستشفي لتوافر الرعاية الطبية اللازمة لو لا قدر الله حصل حساسية مفرطة تتلحق بسرعة لأن حقن الابينيفرين ناقصة في الصيدلية و مينفعش تتاخد في الصيدلية لازم مستشفي
حقن ديكساميثازون و افيل  قد لا تفيد لوحدها في السيطرة علي الموقف في اغلب الأحيان
دمتم في صحة و عافية
#صيدلة_الفرنجة